اوس تاسو کولای شئ، چې په دیوان بیګي کلینیک کې د پرولاکتین ((Prolactin هورمون معاینه ترسره کړئ . دغه معاینه په ښځینه او نارینه کې تر سره کېدای شي، خو په ښځینه کې ډېره مهمه معاینه ده. پرولاکتین یو هورمون دی، چې د نخامیه غدې قدامې برخې څخه افرازېږي. د شېدو په تولیدولو کې مرکزي رول لري، همدارنګه د ۳۰۰ څخه زیاتې دندې په وجود کې دغه هورمون ته نسبت ورکړل شوې دي.
په ښځینه وو کې د پرولاکتین هورمون دندې
په ښځینه وو کې د پرولاکتین هورمون مهم رول د ماشوم له پیدا کېدلو څخه وروسته د شېدو تولید فعالول دي، د دغه هورمون ترشح د ماشوم د تولد څخه وروسته د مور په بدن کې زیاتوالی کوي. د پرولاکتین هورمون د شېدو ورکولو پر وخت د تخمې د آزادېدلو څخه مخنیوی کوي.
همدارنګه د پرولاکتین هورمون د جنسي هورمونونو (استروجن او تستسترون) په سویې باندې په ښځینه او نارینه وو کې تاثیر لري.
ځینې درمل چې په وینه کې د پرولاکتین هورمون د لوړېدو لامل کیږي
- د لوړ فشار درملو (ویراپامیل، میتایل دوپا)
- افسردګي ضد درمل (کلومیپرامین)
- د معدې معایي سیستم درمل (میتوکلوپروماید)
- د درد ضد ځینې درمل (کوډین، مورفین)
د پرولاکتین هورمون زیاتوالی په لاندې حالاتو کې لېدل کيږي:
- هایپو تایرایدېزم
- امېندواري
- د جنسي میل کموالی
- په بدن باندې د اضافي ویښتانو راپورته کېدل
- دردناکه جنسي اړیکه
(په ښځینه وو کې)
- د میاشتنۍ ناروغۍ ځنډېدل
- د ینې عدم کفایه
- هرپس زوستر
(ویروسي ناروغي ده)
- پرولاکتین نوما
(د پرولاکتین تولیدونکو حجراتو تومور)
په نارینه وو کې د پرولاکتین هورمون لوړوالی د لاندې تشوشاتو لامل کیږي
- د نارینه د ثدیو غټوالی
- د سپرمو د شمېر کموالی
- د بدن د عضلاتي کتلې کمېدل
د پرولاکتین هورمون کموالی ډېر نادر پېښیږي، خو د ماشوم له زېږون څخه وروسته یې کموالی د شېدو د کموالي لامل کیږي.