د واکسیناتورې؛ رقیبه عمري لنډه پېژندنه

واکسیناتوره رقیبه عمري د محمد عمر لور د کابل ولایت د پغمان ولسوالۍ د پشته بادام کلي اصلي اوسېدونکې، په ۱۳۹۴ لمریز کال د عبدالله بن عمر نسوان لېسې نه فارغه شوې او په ۱۳۹۸ لمریز کال له رازي پوهنتونه د لېسانس په سویه فارغه شوې ده.

  • په ۱۳۹۷ لمریز کال یې په دارالسلام روغتون کې د ستاژرې په حیث دنده تر سره کړې او له ۱۴۰۰ نه تر ۱۴۰۱ لمریز کاله پورې یې په مداوا روغتون کې د ستاژرې په حیث کار کړی دی.
  • دوه کاله یې په دیوان‌بیګي کلینیک کې د ستاژرې په حیث کار کړی، یو کال یې د واکسینونو په برخه کې د ستاژرې په حیث کار کړی او تر اوسه پورې په دیوان‌بیګي کلینیک کې د فعالې واکسیناتورې په حیث کار کوي.

نوموړې واکسیناتوره لاندې روغتیایي خدمتونه تر سره کوي:

– د ۹ ډوله وژونکو ناروغیو پر وړاندې د واکسینونو تطبیقول.

– د واکسینونو مراجعینو ته د پینځو اساسي پیغامونو بیانول، لکه د واکسینونو ارزښت، د بیا راتګ نېټه، نارمل يا عادي غبرګونونه، په بله دوره کې د اړوند واکسینونو پېژندنه او د واکسینو د کارت ساتنه.

– قد اندازه کول، وزن کول او د فشار کتل.

– په میډیکل ریکارډ کې د واکسینونو د مراجعینو بشپړه روغتیایي تاریخچه رسول.

– د واکسین د تطبیق لپاره ټول اړین مواد چمتو کول.

کاري وخت: له شنبې نه تر پنجشنبې، د سهار له ۸ بجو نه د مازدیګر تر ۴ بجو پورې.

Leave a Comment

ستاسو برېښناليک به نه خپريږي.

Scroll to Top