د غاښونو سالم ساتل

د غاښونو چینجي کېدل (Caries): د غاښونو چینجي کېدل یوه داسې مکروبي ناروغي ده، چې د غاښونو د تخریب سبب ګرځي.

د غاښونو چینجي کېدل((Caries  چې د مخنیوي لارې چارې هم لري.

د غاښونو د چینجي کېدو (Caries) د مخنیوي لپاره باید لاندې ټکي په نظر کې ونیول شي.

۱- د غاښونو برس کول وروسته له ډوډۍ خوړلو څخه باید په ورځ کې درې ځلې برس کړئ.

د سهار چای څښلو څخه وروسته، د غرمې ډوډۍ خوړولو څخه وروسته، د ماښام ډوډۍ خوړلو څخه وروسته.

۲- هر ځل برس کول باید درې دقیقې وخت ونیسي.

۳- غاښونه مو په فشار سره مه برس کوئ ځکه چې د غاښونو د مینا (د غاښ سطحي برخه) د تخریب کېدو سبب ګرځي.

– د غاښونو برس باید له یوې میاشتې څخه زیات استفاده نه شي.

۵- لوند برس باید په قوطي کې پاتې نه شي ځکه چې بیا مکروبونه په برس کې وده کوي.

۶- د غاښونو پاکولو لپاره له مسواک څخه هم استفاده کول بهترینه کړنه ده.

۷- د غاښونو  سالم ساتلو لپاره یو هم د غاښونو له تار (نخ) څخه استفاده کول دي، چې هر ځل د ډوډۍ خوړلو څخه وروسته باید غاښونو منځونه په تار سره پاک شي.

۸- هېڅ کله هم د غاښونو منځونو د پاکولو لپاره د اورلګیت (ګوګرد)، لرګي، ستنې، سیخ، او داسې نورو شیانو څخه استفاده مه کوئ.

۹- د یخو شیانو څخه وروسته، ګرم شی مه استفاده کوئ او همدارنګه د ګرمو شیانو څخه وروسته یخ شی مه استفاده کوئ.

۱۰- د حمل اخېستلو څخه مخکې باید یوه مور د غاښونو ډاکتر سره مشوره وکړي او خپل غاښونو تداوي او کنترول کړي.

۱۱- د سګرېټ، نسوار او داسې نور شیانو څخه استفاده مه کوئ، چې دا مو غاښونو او ټول بدن ته ضرر رسوي.

۱۲- له غاښونو سره سخت شیان مه ماتوئ.

۱۳- د غاښونو سالم ساتلو لپاره باید لږ تر لږه په کال کې دوه ځلې د غاښونو ډاکتر ته مراجعه وکړئ! که څه هم کوم درد او تکلیف ونه لري.

د غاښونو فایدې

۱- پاکه خوله او پاک غاښونه د ښې روغتیا ضمانت کوي.

۲- غاښونه موږ د هضمي جهاز له ناروغیو څخه ژغوري.

۳- غاښونه زموږ د مخ ښکلا دوه برابره کوي، د زړه راښکوونکې مسکا د غاښونو محتاجه ده.

۴- تاسو د خپلو غاښونو ساتنه وکړئ، غاښونه به ستاسې ساتنه وکړي.

۵- غاښونه د یو داسې قېمتي غمي مثال لري، که چېرې دا غمی مات او یا هم خپل رنګ د لاسه ور کړي، نو په شخصیت بده اغېزه کوي.

۶- په ښایسته غاښونو باندې شخصیت لوړېږي.

د غاښونو د تار استعمال  (Dental Flossing)

۳۲ سانتي متره د غاښونو تار په داسې توګه د خپلې منځنۍ ګوتې Middle Finger څخه تاو کړئ، دواړه د شهادت (د غټو ګوتو) په کومک مضبوط ونیسئ، په داسې حال کې چې د دواړو لاسونو د ګوتو تر منځ د تار اوږدوالی ۲ سانتي متره وي.

د غاښونو منځینۍ سطحې پرې پاکې کړئ، تر څو هېڅ غذایي مواد پکې پاتې نه شي او ورسره مکروبونه هم له منځه یوسي.

نوټ: مګر داهم په یاد ساتئ کوم تار چې استفاده شي، د بل غاښ د پاکولو لپاره باید استفاده نشي، یعنې هغه ۳۲ سانتي متره تار باید داسې تقسیم شي، چی هر غاښ ترمنځينۍ سطحو ته دوه، دوه سانتي متره ورسېږي.

ډاکتر ننګیالی شهزاده

د دیوان بیګي کلینیک د غاښونو معالج ډاکتر

که کومه پوښتنه لرئ او یا هم غواړئ چې د خپلو غاښونو درملنه وکړئ، زه ډاکتر ننګیالی شهزاده د خولې او غاښونو معالج ستاسې په خدمت کې یم.

Leave a Comment

ستاسو برېښناليک به نه خپريږي.

Scroll to Top