د خوارځواکۍ برخې مسووله؛ د آغلې سمیرا رسولي لنډه پېژندنه

سمیرا رسولي د رحمت الله لور د میدان وردګو ولایت د نرخ ولسوالۍ د ده‌حیات کلي اصلي اوسېدونکې ده. په ۱۳۹۰ لمریز کال له (کمک به معارف نمبر ۲) عالي لېسې نه فارغه شوې او په ۱۳۹۲ لمریز کال یې د رازي پوهنتون له عالي نرسېنګ څانګې څخه د لېسانس سند ترلاسه کړی دی. د کمپیوټر او انګلیسي ژبې یو کلنه دوره یې په تبحر تعلیمي مرکز کې بشپړه کرې ده.

له ۱۳۹۵ نه تر ۱۳۹۷ کاله پورې یې په بهزاد خصوصي عالي لېسه کې د استادۍ سپېڅلې دنده تر سره کړې او له دې وروسته یې په ۱۳۹۷ لمریز کال په دیوان‌بیګي کلینیک کې د خوارځواکۍ د مسوولې په توګه خپله دنده پیل کړې ده.

د خوارځواکۍ ناروغي په افغانستان کې له ډېرو خطرناکو ناروغیو څخه ده، چې په میلیونونه ماشومان او امېندواره مېرمنې ورسره لاس و ګرېوان دي او موږ ستاسې د هر ناروغ د مراقبت او جدي درملنې لپاره په بشپړه توګه ژمن یو.

موږ د خوارځواکۍ په برخه کې لاندې روغتیایي خدمتونه تر سره کوو:

  • د خوارځواکو ماشومانو او امېندوارو میندو معاینه کول
  • د خوارځواکۍ په پروګرام کې د خوارځواکو ماشومانو او امېندوارو میندو راجسترول
  • د خوارځواکو ماشومانو او امېندوارو میندو منظمه درملنه او څارنه
  • خوارځواکو ماشومانو او امېندوارو میندو ته د منظمو دواګانو او خوارکي توکو وړیا وېش
  • د خوارځواکۍ په برخه کې کورنیو ته منظمې روغتیایي مشورې ورکول

کاري وخت: له شنبې نه تر پنجشنبې پورې، د سهار له ۸ بجو نه د مازدیګر تر ۶ بجو پورې.

Leave a Comment

ستاسو برېښناليک به نه خپريږي.

Scroll to Top